Алматы онкологиялық орталығының директоры Нұрсұлтан Ізбағамбетов өңір тұрғындарына онкологиялық көмек және мекеменің өткен жылғы жұмысы туралы айтып берді.
Өңірлік коммуникациялар қызметінің алаңында қандай қатерлі аурулар көш бастап тұрғаны және науқастарды емдеу туралы талқыланды, деп хабарлайды Almaty-akshamy.kz.
2023 жылдың қорытындысы бойынша Алматы қаласында 5491 пациент анықталып, есепке қойылды.
Қатерлі ісік дертіне шалдыққандар құрылымы өткен жылмен салыстырғанда өзгеріссіз қалды:
- бірінші орында - сүт безі обыры 14,5% (794 жағдай);
- екіншісінде - колоректальды қатерлі ісік 8,9% (489 жағдай),
- үшіншісінде - өкпенің қатерлі ісігі 6,0% (332 жағдай),
- төртіншіден - қуықасты безінің қатерлі ісігі 5,2% (288 жағдай).
Онкологиялық орталық туралы есепте 31866 онкологиялық пациент тұр (2022ж. – 29439), өсім 8,2% -. құрады.
«Сырқаттанушылықтың өсуін талдау онкологиялық науқастардың электрондық тіркеліміне (ОНЭТ) есепке қойылған жалпы санының ішінен іс жүзінде әрбір 6 пациент Алматы онкологиялық орталығына жоғары сапалы медициналық көмек алу үшін Алматыға басқа өңірлерден қайта тіркеу арқылы келгенін көрсетті»,-деп түсіндірді Нұрсұлтан Ізбағамбетов.
2023 жылдың қорытындысы бойынша есепке алынған 5491 пациенттің 16,2% - ы (890 пациент) Алматы қаласына басқа өңірлерден келіп тіркелді. Басқа аймақтардан тіркелген 890 пациенттің 125-інде (14,0%) ауру асқынған кезеңде анықталған.
Науқастардың көбі Алматы (364) және Жамбыл (103) облыстарынан келген.
Статистиканы келтіре отырып, онкологиялық орталықтың директоры қатерлі ісіктерден болатын өлім - жітім үш жылда-12,4% төмендегенін атап өтті.
Медицина қызметкерлерінің жұмысының басты мақсаттарының бірі - халықтың нысаналы топтарына скринингтік тексерулер жүргізе отырып, қатерлі ісікті ерте сатысында жылдам анықтау.
Сүт безі обырын ерте анықтауға скринингтің 1 кезеңін жүргізу үшін Алматы қаласында 37 маммограф жұмыс істейді.
«Қатерлі ісікті ерте анықтау мақсатында республикада жатыр мойны обыры, сүт безі обыры және тоқ ішек обыры бойынша скринингтік бағдарламалар жұмыс істейді. 2023 жылдың қорытындысы бойынша скрининг кезінде қатерлі ісіктің 298 жағдайы анықталды. Барлық пациенттер мамандандырылған емдеумен қамтылған», - деп жалғастырды Нұрсұлтан Ізбағамбетов.
Өткен жылы Алматының онкологиялық орталығында 22576 науқас емделді. Хирургиялық бөлімшелерде 2681 хирургиялық ота жасалды. Бұл ретте операциялардың 55% - ы аз инвазивті әдістермен жүргізіледі.
Бүгінгі таңда онкологиялық орталықтың арсеналында химиотерапияның 50-ге жуық түрі, 40-тан астам мақсатты және гормоналды препараттар қолданылады, соның арқасында 18790 пациент химиотерапиялық ем алды.
Онкологиялық науқастарды емдеу үшін Алматы онкологиялық орталығында сәулелік терапия белсенді қолданылады. Есепті кезеңде радиологиялық бөлімшеде 1064 онкологиялық науқасқа 18853 сеанс өткізілді.
Амбулаториялық химиотерапия кабинетінің жағдайында 2023 жылы 10498 пациент ем алды.
Өткен жылы қатерлі ісікке шалдығу қаупі бар және онкологиялық науқастарға (КТ және МРТ, ультрадыбыстық, эндоскопиялық, цитологиялық, иммундық-гистохимиялық және клиникалық-диагностикалық зерттеулер) 640 мыңнан астам диагностикалық зерттеулер жүргізілді.