Қар көшкінінің ұзындығы - 40 м.
Бүгін Алматы облысындағы Түрген өзенінің шатқалының бойында қар көшкіні жүрді. Зардап шеккендер жоқ, деп хабарлайды Almaty-akshamy.kz.
Қар көшкінінен кейін апатты жерді визуалды зерттеу жұмыстары жүргізілді.
«Зерттеу қорытындысы бойынша, Түрген ауылы – Батан кентінен 16 шақырым жерде өздігінен қар көшкіні түскені анықталды. Қар көшкіні Түрген – Батан жолын жауып тастады. Құрбандар мен қираулар жоқ», - деп хабарлады Төтенше жағдайлар министрлігінің «Казселезащита» мемлекеттік мекемесінен.
Қар көшкінінің ұзындығы - 40 м, ені - 6 м, биіктігі - 1,8 м, көлемі – 432 текше метр.
Жолды тазарту үшін төтенше жағдай орнына екі техника (фронттік жүк тиегіш, «Патриот» УАЗ) және бес адам жіберілді.