Алматы облысының әкімдігі бүгін түнде үйі өртенген марқұм Шерзат Болаттың отбасына көмек берілетінін хабарлады.
Әкімдік мәліметіне сәйкес, оларға жөндеу жұмыстары аяқталғанша уақытша баспана және өртенген үйді жөндеуге көмек беріледі, деп хабарлайды aqshamnews.kz.
Алматы облысының әкімдігі баспанасын өрт шалған Ш.Болаттың отбасына тұрғын үйді қалпына келтіруге көмектесетін болды. Сонымен қатар, оларға жөндеу жұмыстары аяқталғанша уақытша баспана беріледі, - деп хабарлады әкімдіктен.
Естеріңізге сала кетейік, бұған дейін Талғардағы жанжал кезінде қайтыс болған 16 жасар Шерзат Болаттың үйі өртенгенін хабарлаған едік.