Алматы облысында Талғардағы жанжал кезінде қайтыс болған 16 жасар Шерзат Болаттың үй өртенді, деп хабарлайды aqshamnews.kz.
ТЖД мәліметіне сәйкес, 12 қазан күні сағат 00:50-де үйді жалын шарпыған. Өрт 01:38 оқшауланып, сағат 01:43-де толығымен жойылған.
- Құрбандар мен зардап шеккендер жоқ. Өрттің себебін анықтау үшін Алматы облысы ТЖД зерттеу сынақ өрт зертханасы мен анықтау бөлімінің қызметкерлері оқиға орнында, - деп хабарлады ТЖД.
Алматы облысының Полиция департаменті Бөтеннің мүлкін қасақана жою фактісі бойынша іс қозғалғанын хабарлады. Қазіргі уақытта куәгерлерден жауап алынып, сондай-ақ бейнебақылау камераларының жазбалары зерттеліп жатыр.
Сондай-ақ полиция мәліметіне сәйкес, марқұм Шерзат Болаттың отбасы полиция қызметкерлерінің қорғауына алынған.
- Келіп түскен арызға сәйкес 4 қазанға қараған түні Талғар ауданында қаза тапқан кәмелетке толмаған баланың отбасы күзетпен қамтамасыз етілген. Отбасының тұрғылықты жері бойынша қауіпсіздікті қамтамасыз ету үшін полиция қызметкерлерінің тарапынан тәулік бойы кезекшілігі ұйымдастырылды, - деп хабарлады облыстық ПД баспасөз қызметі.
Талғарда өлтірілген 16 жастағы Шерзаттың отбасының үйін өртеу фактісі бойынша қылмысты ашу мақсатында Бас прокуратураның басшылығымен 12 қазанда ведомствоаралық жедел-тергеу тобы құрылды.
«Кінәлілерді анықтап, жазаға тарту үшін барлық шаралар қабылданатын болады. Қылмыстық іс Қазақстан Республикасының Бас прокурорының бақылауына алынды», — деп хабарлады ведомство.
Еске салайық, бұған дейін бұған дейін 4 қазан күні Талғар қаласындағы төбелестен жасөспірім қайтыс болған еді.