Алматы облысы Мемлекеттік сәулет-құрылыс инспекциясының тексеруі нәтижесінде 23 заңсыз салынған құрылыс нысаны анықталды, деп хабарлайды aqshamnews.kz.
Жалпы 78 әкімшілік хаттама толтырылып, олардың 28-і облыстық соттарға жіберілген. Қылмыстық іс қозғалған жоқ, сондықтан заң бұзушыларға 14 644 140 теңге көлемінде айыппұл салынды.
Заңсыз салынған құрылыс нысандары, оның ішінде Талғар ауданындағы көпқабатты тұрғын үй кешені, сүрілуге тиіс. Қазірдің өзінде 4 саман үй сүрілді, ал 7 объекті бойынша сүру туралы талап арыздар сотқа берілді.