Алматы облысында полиция қызметкерлері 13 келіден астам марихуана тәркіледі, деп хабарлайды Aqshamnews.kz тілшісі Polisia.kz-ке сілтем жасап.
"Қарасора-2025" республикалық жедел-профилактикалық іс-шарасы аясында облыстық ПД есірткі қылмысына қарсы іс-қимыл басқармасы заңсыз есірткі сақтауға қатысты қылмыстық іс қозғады.
Ведомствоның мәліметінше, ЕҚҚІҚБ мен Жамбыл аудандық криминалдық полиция қызметкерлері Кызыләскер ауылында 47 жастағы жергілікті тұрғынды ұстаған. Санкцияланған тінту кезінде қызметтік иттердің көмегімен оның ауласындағы қоршау бойынан ерекше иісі бар 31 түп кептірілген өсімдік табылды. Сараптама бұл заттардың жалпы салмағы 10 келі 680 грамм болатын марихуана екенін анықтады.
Сонымен қатар, үй ішінен полиэтилен пакет салынған полимер қап табылып, оның ішіндегі жасыл түсті өсімдік те марихуана екені белгілі болды. Оның салмағы - 2 келі 306 грамм. Осылайша, тәркіленген есірткінің жалпы салмағы 13 келіден асты.
Қазір бұл дерек бойынша қылмыстық іс қозғалып, күдікті қамауға алынды. Ол өз кінәсін мойындаған.