Құрсағындағы баласын сатпақ болған әйел шетел азаматы болып шықты.
Жүктілік мерзімі жеті айға жеткен 24 жастағы әйел әлеуметтік желіде әлі дүниеге келмеген баласын сату туралы хабарлама қалдырған, деп хабарлайды Almaty-akshamy.kz.
Полицейлер оны 22 қараша күні Қарасай ауданында ұстаған.
«Аталған дерек ҚР Қылмыстық кодексінің 135-бабының 1-бөлігімен Қарасай аудандық әкімдігінде тіркелді. Қазіргі уақытта күдіктіге қатысты тергеудің жан-жақтылығын, толықтығын және объективтілігін қамтамасыз ету мақсатында сараптамалар тағайындалып, жедел-іздестіру шаралары жүргізіліп жатыр», деп хабарлады Алматы облыстық полиция департаментінің бастығы Бауыржан Әленов.
Ұсталған азамат Қарасай аудандық полициясының уақытша ұстау изоляторына қамалды.