2025 жылғы 5 маусымда Алматы қаласындағы Алматы технология және флористика колледжінде, Ресурстық орталық алаңдарында, 9-сынып оқушыларына арналған «Ашық есік күні» өтті.
Бұл іс-шара Алматы қаласының Білім басқармасы, Алматы қаласындағы Алматы технология және флористика колледжі және инклюзивті білім беру бөлімінің ұйымдастыруымен өткізілді. Іс-шараға Алматы қаласының жалпы білім беретін мектептері мен арнайы мектеп-интернаттарының шамамен 100 оқушысы қатысты. Инклюзивті білім беру бағыты бойынша білім алатын №5, №6, №1 Жанұя мектеп интернаттарынан талапкерлер оқытушылар, және ата- аналарымен бірге келді. Сонымен қатар, №76, №108, №16 мектеп гимназияларынан талапкерлеріміз қатысты.
«Ашық есік күні» бағдарламасы колледж директоры Нұрымбетов А.Қ.-ның құттықтау сөзінен басталды, ол оқу орнының миссиясы, негізгі жетістіктері мен болашақ студенттер үшін мүмкіндіктері туралы толық айтып өтті. Іс-шараға қатысушыларды сондай-ақ, арнайы білім беру және инклюзивті білім беру саласындағы тәжірибесі бар Ұлттық ғылыми-практикалық орталық маманы Сейсенова А.Д. құттықтап, сөз сөйледі. Сонымен қатар, қатысушыларға келесі мүмкіндіктер ұсынылды: колледждің оқу аудиторияларымен, зертханаларымен және мамандандырылған кабинеттерімен танысты, студенттердің кәсіби дағдыларын және шығармашылық көзқарастарын көрсететін көркемдік жұмыстар көрмесі көрсетілді; колледж оқытушылары мен студенттері ұсынған оқу бағдарламалары мен даярлық бағыттары туралы презентациялар тыңдады; өндірістік оқыту шеберлерінің түрлі салалардағы тәжірибелік әдістері мен технологияларын көрсеткен мастер-класстарға қатысты; оқуға қабылдау және білім алу шарттары, қабылдау талаптары, қаржыландыру мүмкіндіктері мен мансаптық перспективалар туралы кеңес алды; арнайы білім алу қажеттілігі бар студенттер дайындаған мерекелік концертті тамашалады.
Іс-шара барысында инклюзивті білім беру мәселесіне ерекше назар аударылды, арнайы мектеп-интернаттардың өкілдері ерекше қажеттіліктері бар студенттер үшін білім беру процесін бейімдеу тәжірибесімен бөлісті.Бұл іс-шара қонақтар мен үміткерлер арасында үлкен қызығушылық тудырды. Көптеген қатысушылар оқуға қабылдау жайында қызығушылық танытып, оқу орындарына өтініштерін қалдырды. Ата-аналар студенттердің жоғары деңгейде дайындалғанын және білім беру процесінің заманауи тәсілдерін атап өтті.
«Ашық есік күні» колледждің білім беру мүмкіндіктерін кеңінен насихаттау үшін маңызды оқиғаға айналды. Жоғары деңгейде ұйымдастырылған және түрлі бағдарламамен қамтылған бұл іс-шара қонақтарға кәсіби білім алу перспективаларымен танысуға мүмкіндік берді және жаңа әлеуетті студенттерді тартты.