Алматы халықаралық әуежайында Наурызнама аясында мерекелік күндер тізбегіндегі маңызды мерекенің бірі Көрісу күніне арналған акция ұйымдастырылды, – деп хабарлайды aqshamnews.kz тілшісі.
Акция барысында әуежай жолаушыларын ұлттық киім киген қыздар қарсы алып, қонақтарды Көрісу күнімен құттықтады. Олар жолаушыларға қазақтың дәстүрлі тағамдары – бауырсақ пен шұбат ұсынды.
Іс-шара жүргізушісі жолаушыларға бұл күннің тарихы мен маңызын айтып берді. Көрісу күні – қазақ халқының ежелгі дәстүрлерінің бірі. Бұл күні адамдар бір-бірімен көрісіп, амандық сұрасып, ақжарма тілектер айтып, өзара сыйластық пен татулықты нығайтады.
Әуежай қонақтары мерекелік акцияға қызығушылықпен қатысып, ұлттық мәдениет элементтерімен танысып, қазақтың дәстүрлі тағамдарынан дәм татты.
Түрлі елдер мен ұлт өкілдері әсерін бөлісіп, қазақ халқының қонақжайлылығына ризашылық білдірді.