Алматыда өтетін бұл қызықты турнирде мини-футбол, баскетбол, волейбол, армрестлинг, үстел теннисі және шахмат бойынша мықтылар атағына таласатын үздік спортшылар мен командалар жиналады.
Шарада Алматы футбол федерациясының вице-президенті Игорь Утробин сөз сөйледі.
- Құрметті қатысушылар! Бұл жарыстарда қаншалықты ынтамен өнер көрсететініңіздерді көруге өте қуаныштымын. Сіздерге денсаулық, жақсы оқу және спорттың әрқашан жандарыңызда болуын тілеймін», - деді Игорь Утробин.
Барлық спорт түрлері - ЦСКА стадионында ал ,үстел теннисінен жарыстар STIGA үстел теннисі клубында өтеді.
Үстел теннисінен жаттықтырушы Айман Успанова атап өткендей, Алматы қалалық ойындарының турнирі жыл сайын өткізіледі.
- Үстел теннисінен жарысқа 100-ден астам қатысушы қатысады: әйелдер, ерлер, жастар және 12 жастан асқан балалар. Әр жас санатына марапаттар мен сертификаттар беріледі», - деді Айман Успанова.
Almaty City Games тек жарыс қана емес, сонымен қатар пікірлес адамдармен кездесуге, қуат алуға және Алматының спорттық рухынан ләззат алуға мүмкіндік береді. Сол күні қала нағыз шайқастар аренасына айналады, онда әр қатысушы өз шеберлігін көрсетеді.
«БЕЙБАРЫС» командасының ойыншысы Валерия Кириченко бірнеше жылдан бері волейбол ойнап, бірнеше турнирлерге қатысқанын алға тартты.
- Мен волейболды мектеп кезінен бастадым. Содан ЦСКА-да орналасқан «БЕЙБАРЫС» клубына келдім. Алматы қалалық спартакиадасы спортты дамытуда үлкен рөл атқарады, – деді Валерия Кириченко.