Бұдан бұрын қаламыздағы екі ауруханаға мина қойылды деген мәлімет тарағанын хабарлағанбыз.
Ақпарат жалған болып шықты, қаскүнемді іздеу жүріп жатыр, деп хабарлайды Almaty-akshamy.kz.
Бүгін полицияға №4 және жедел жәрдем ауруханасына жарылғыш құрылғылар жасырылғаны туралы хабарламалар келіп түсті. Дереу орындарға шұғыл қызметтер жіберілді. Науқастар мен қызметкерлер эвакуацияланды, ғимараттарды саперлер тексерді.
«Медициналық мекемелер штаттық жұмыс режиміне қайта оралды», - дейді полициядан.
ҚР Қылмыстық кодексінің 273-бабы «Терроризм актісі туралы көрінеу жалған хабарлау» бойынша сотқа дейінгі тергеп-тексеру басталған. Қаскүнемді іздеу жүріп жатыр.