2023 жылдың наурызына дейін қалпына келтіріледі.
Алматы әкімі Ерболат Досаев қала әкімдігінің ғимаратын жыл соңына дейін қалпына келтіру жоспарланғанын мәлімдеді, деп хабарлайды Almaty-akshamy.kz.
«Мемлекет басшысының резиденциясы жайлы айтатын болсақ. Бұрын онда мекеме қарастырылған болатын. Біз қазір егжей-тегжейлі жоспарлау жобасын өзгертеміз. Онда алаң емес, саябақ аймағы пайда болады. Біз әкімдіктің жанында орналасқан саябақ аймағын біріктіргіміз келеді. Ол Сәтпаев көшесіне дейін өтпелі болады»,- деді Ерболат Досаев.
Әкім саябақ аймағының эскиздік жобасы қала құрылысы кеңесінің мүшелерімен талқыланатынын айтты.
Ол сондай-ақ 8 шілдеде әкімдік ғимараты бойынша жобалау-сметалық құжаттаманың қорытындысын алатынын мәлімдеді.
«Біз алғаш рет осы игілігімізді жөндеумен айналысатын бес алматылық компаниядан тұратын консорциум құрдық. Ғимарат қалпына келтірілуге жатады. Барлық жұмыстар жыл соңына дейін аяқталады деп жоспарладық. Бірақ негізгі үш ғимараттың өзімен емес, металл өртеніп кеткен күмбезді залмен байланысты қиын жобалық шешімдер болды. Сондықтан жұмыс жүргізіледі, келесі жылдың наурызына дейін қалпына келтіру аяқталады деп үміттенеміз», - деді қала басшысы.