Қазақстан полициясы күні қарсаңында ІІМ М.Есболатов атындағы Алматы академиясының жоғары оқу орнынан кейінгі факультетінің докторантурасын бітіргендерге сертификат және магистратура түлектеріне диплом берілді.
Академияның докторантура бойынша білім беру бағдарламасының толық теориялық курсын биыл 10 докторант бітірсе, ғылыми педагогикалық бағыт бойынша 15 магистрант бітірді, деп хабарлайды Almaty-akshamy.kz Polisia.kz-ке сілтеме жасап.
" Магистранттарға “Құқық қорғау қызметі” бағдарламасы бойынша “Ұлттық қауіпсіздік және әскери іс магистрі” дәрежелері мен диплом берілді. Магистранттарға дипломдарын AlmaU менеджмент университетінің ректоры, экономика ғылымдарының кандидаты, PhD докторы Г.Куренкеева табыстады.
Академия бастығының міндетін уақытша атқарушы Ж.Ділбарханова бітірушілерді диплом алу салтанатымен құттықтап, оларға еліміздің ішкі істер органдарында абыройлы еңбек етіп, жаңа Қазақстанның жарқын болашағына үлес қосатындықтарына сенім білдірді.
Жылда дәстүрге айналған генерал Рүстем Қайдаров атындағы шәкіртақыға биыл 2023-2024 оқу жылындағы жетістіктері және ғылымға қосқан үлесі үшін екінші курс доктаранты Ирина Приходько ие болды.
Докторант Нұржан Ахмедов пен магистрант Раушан Байжума бітірушілер атынан өздеріне сапалы білім беріп, қиын да жауапты ғылым жолына бағыттаған академия басшылығына алғысын білдірді. Жиын соңында қатысушыларға докторанттар мен магистранттар академияда өткізген қызық сәттерінен түсірілген бейнероликті көрсетті.