Алматыда су құбырларындағы технологиялық жабдықтарды ауыстыру бойынша жоспарлы жұмыстар жалғасуда, деп хабарлайды aqshamnews.kz
Су жеткізу жүйесінің, жұмыстары жылдам жүрдек көлік (BRT) желісінің құрылыс аймақтарында да жүргізіліп жатыр. Осыған байланысты «Алматы су» мекемесінің мәліметінше, 2025 жылдың 20 мамыры күні сағат 09:00-ден 20:00-ге дейін Алмалы және Бостандық аудандарында келесі шекаралар аясында ауыз су (салқын су) уақытша өшіріледі:
-
Назарбаев даңғылы – Макаатаев көшесі – Райымбек даңғылы – Чайковский көшесі;
-
Абай даңғылы – Назарбаев даңғылы – Қабанбай батыр көшесі – Сейфуллин көшесі;
-
Абай даңғылы – Сейфуллин көшесі – Құрманғазы көшесі – Байтұрсынов көшесі.
Сондай-ақ, салқын судың уақытша өшірілуі келесі әлеуметтік және әкімшілік нысандарға да әсер етеді: «Овация» тұрғын үй кешені, №90 лицей-мектеп, №147 гимназия, №120 мектеп-гимназия, №30 және №139 балабақшалар, Қазақ ұлттық аграрлық зерттеу университеті, Лермонтов атындағы театр, Спорт және туризм академиясы, А. Н. Сызғанов атындағы хирургия ғылыми орталығы, қалалық ревматология орталығы және жоғарыда аталған көше контурларында орналасқан өзге де мекемелер.