Перудің Лима қаласында жеңіл атлетикадан жасөспірімдер арасындағы әлем біріншілігі жалғасуда. Қазақстандық Алина Чистякова жарыс қорытындысы бойынша алғашқы ондыққа енді, деп хабарлайды aqshamnews.kz Olympic.kz-ке сілтеме жасап.
Спортшы жетісайыста бақ сынап, жалпы есебі 5161 ұпай жинады. Осылайша, жарыста тоғызыншы орынға тұрақтады.
Байрақты бәсекеде хорватиялық Яна Кощак алдына жан салмай, жеңіске жетті. Оның еншісінде 5807 ұпай бар. Екінш орынға швейцариялық Люсия Аклан (5755) жайғасса, үшінші орын чехиялық Адела Ткачова (5601) бұйырды.
Тағы бір қазақстандық спортшы Ирина Конищева жарысты 12-орынмен аяқтады.