Алматыда қала күніне орай «Әлеуметтік жобалар – ортақ игілік үшін» атты кездесу өтті. «Мен – Алматылықпын» жобасы аясында өткен кездесуге Қоғамдық даму басқармасына қарасты Қоғамдық даму орталығы бастамашылық етті, деп хабарлайды Аqshamnews.kz.
Кездесудің мақсаты – әлеуметтік жобалардың маңызын кеңінен насихаттау, азаматтық бастамаларды қолдау тетіктерін талқылау және қоғам игілігі жолында ортақ іс-қимылға ынталандыру. Іс-шараның басты қонағы – Қазақстанның қоғам қайраткері, мемлекттік қызметкер, әлеуметтік жобалар мен азаматтық бастамаларды қолдауға елеулі үлес қосқан Қайыржан Саясатұлы болды.
Кездесу барысында әлеуметтік жобалардың қоғамдағы рөлі, азаматтық белсенділікті арттыру жолдары және әлеуметтік жауапкершілік мәселелері талқыланды. Жиынға жастар, белсенді азаматтар және қоғамдық ұйымдардың өкілдері қатысты.
"Алматы Азаматтық альянсының" төрағасы, ҚБТУ бизнес-мектебінің профессоры, Алматы қалалық қоғамдық кеңесінің мүшесі Қайыржан Әбдіхалық былай деді:
"Жоба негізінен Алматы қаласы бойынша өткізіліп жатыр. Болашақ жастарға қажет болатын тәжірибемді жеткізіп, мегаплолистен бөлек өзге де қала тұрғындарына әлеуметтік жобалардың тиімді екенін айтқым келеді. «Алматы Азаматтық альянсы» ретінде біз үкіметтік кеңес ұйымдарының ассоциациясымыз. Бүгінгі жиында еліміздің басқа да қалаларындағы мәселелерді шешуде аталған әлеуметтік жобалардың атқаратын рөліне айрықша тоқталамыз. Мақсатымыз – отбасыларға, әйелдер мен балаларға, жастарға, азаматтар мен азаматшаларға құқықтық консультация беру. Бүгінде тұрақты даму мақсаттарына бағытталған әлеуметтік бастамалар жүзеге асырылуда. Соңғы 3 жылда әлеуметтік жобалардан хабар беретін деректер базасын құрып, Power BI негізінде 19 дашпорт жарияладық" дейді ол.