Халықаралық дзюдо федерациясы (IJF) жылдың қорытынды рейтингін жариялады
60 келіге дейінгі салмақта Ғұсман Қырғызбаев пен Елдос Сметов алғашқы ондыққа енді, деп хабарлайды Almaty-akshamy.kz 24.kz-ке сілтеме жасап.
Олар тиісінше 9,10-орындарды иеленген. 66 келідегі Елдос Жұмаханов 19-шы, Ерлан Серікжанов 22-сатыда. 73 келідегі Жансай Смағұлов әлемдік рейтингте 8-орында тұр.
81 келіде Дидар Хамза 32-ші сатыға тұрақтаса, 90 келіге дейінгі салмақта Ислам Бозбаев 18-орынға табан тіреді.
Ауыр салмақта Ерасыл Қажыбаев 33-орыннан көрінді. Келесі маусымда Сметов пен Қырғызбаев 66 келіге, Серікжанов 73 келіге ауысады. Ал Елдос Жұмаханов спорттағы мансабын аяқтады.