Tesla бренді қазір 66,2 миллиард долларға бағаланған.
Tesla Mercedes-Benz және Toyota-ны басып озып, әлемдегі ең қымбат автомобиль брендтерінің тізімінде бірінші орынға шықты. Бұл туралы Brand Finance халықаралық сараптамалық агенттігінің баяндамасында мәлім болды, деп хабарлайды Аlmaty-akshamy.kz tengrinews.kz сілтеме жасап.
Агенттік мәліметінше, Tesla бренді қазір 66,2 миллиард долларға бағаланған. Бұл пандемияға дейінгі көрсеткіштен бес есе артық.
Былтырғы көшбасшы Mercedes-Benz брендінің құны 3 пайызға төмендеп, 58,8 миллиард доллар болса, бұған дейін екінші орында тұрған Toyota 18 пайызға төмендеп, 52,5 миллиард доллар болды.
Қытайлық Sokon автокөлік бренді жыл сайын 123 пайызға өсіп, 739 миллион долларға бағаланып, ең жылдам дамып келе жатқан бренд атанды.
Сондай-ақ, тізімде элиталық AAA+ рейтингі бар «ең күшті автомобиль бренді» атанған Ferrari туралы айтылған.