Вакцинаны бай мемлекеттердің азаматтары көп салдырған.
Дүниежүзілік денсаулық сақтау ұйымы әлем халқын иммундау статистикасын жариялады, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
«Барлық ел бойынша коронавирустық инфекцияға қарсы вакциналардың 5,5 миллиардқа жуық дозасы қолданылды», - деді ДДҰ басшысы Тедрос Адан Гебрейюс.
Сонымен қатар, екпелердің 80%-ы табыс деңгейі жоғары және орташа елдерде жасалғанын атап өтті.
Гебрейесустың айтуынша, кедей мемлекеттер қыркүйек айының соңына дейін екпе алған азаматтар көрсеткішін 10%-ға жеткізе алмайды. Себебі дамыған мемлекеттер қалған елдерге 1 миллиард доза вакцина беруге уәде бергенімен, әзірге жоспарланған көлемнің 15%-дан азы берген.