Елде циклондар әсерінен ауа райының тұрақсыздығы байқалады
2021 жылдың 19-21 қазан аралығында елде күн суытады, деп хабарлайды Almaty-akshamy.kz
Бұл туралы «Қазгидромет» РМК хабарлады.
Болжамға сәйкес, үнді жазын Қазақстан аумағына әкелген антициклонның ықпалынан еліміздің шығысында ғана күн жауын-шашынсыз жылы болады.
Республиканың қалған бөлігіне Мурманск аудандарынан келген циклон әсер ете бастайды. Ол ел аумағы арқылы жылжып, жаңбыр мен қар аралас жаңбыр жаууына ықпал етеді. Сондай-ақ, көктайғақ болып, жел күшейеді, солтүстікте жаяу бұрқасын соғып, ауа температурасы төмендейді.