15 мамырда жоспарлы-профилактикалық жұмыстарға байланысты елімізде телевизия мен радио уақытша жұмыс істемейді.
Бұл туралы «Қазтелерадио» АҚ ресми сайты мәлімдеді, деп хабарлайды Almaty-akshamy.kz.
«Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді, - делінген хабарламада.
Осыған байланысты осы жылдың 15 мамырында сағат 03:00 мен 17:00 аралығында (Астана қ. уақытымен) телерадио хабарларын таратуды өшіре отырып, профилактикалық жұмыстар жүргізілетіні хабарланды.
Уақытша қолайсыздықтар үшін кешірім өтінеміз, - деді компания өкілдері.