Алматы қаласы Алатау ауданының әкімі Азамат Қалдыбеков ӨКҚ баспасөз конференциясына қатысып, оның барысында әлеуметтік желілерді пайдаланушылардың шағымдарына жауап берді. Мысалы, жақында «Ақкент» ТК тұрғындары Райымбек даңғылының бойындағы абаттандырылмаған аумаққа шағымданды, деп хабарлайды аlmaty-akshamy.kz.
«Тұрғындар Ақкент ТК бойындағы, Райымбек көшесіндегі абаттандырылмаған аумаққа жиі шағымданады. Осы ауданда құрылыс салушымен осы жер учаскесін мақсатты пайдалану, атап айтқанда әлеуметтік нысан салу үшін келіссөздер жүргізілді. Нысанның ауданы - 6 мың шаршы метр. Бұл жеке аумақ болғандықтан, біз оны абаттандыра алмаймыз. Келіссөздер жүргізілуде», - деді аудан басшысы.
Тағы бір шағым Шаңырақ шағын ауданына қатысты болды, ондаға мәселе - жеке секторда егеуқұйрықтардың қаптап кеткендігі, бұл туралы да аудан тұрғындары хабарлады. Азамат Қалдыбеков жергілікті атқарушы органдардың мұнымен қалай күресуді жоспарлап отырғанын хабарлады.
«Алатау ауданында 16-ға жуық зират бар. Біз кеміргіштерді дератизациялау бойынша, оның ішінде жеке секторда да шаралар кешенін жүргізіп жатырмыз. Бұл жұмыс жылына екі рет - көктемде және күзде жүргізіледі. Егер тұрғындар бізге жүгініп, нақты мекен - жайларын көрсетсе, біз барлық қажетті шараларды қабылдаймыз», - деп сендірді А.Қалдыбеков.
Алатау әкімі есеп беру кездесулерінде әрдайым көгалдандыру туралы айтады. Журналистер бұл туралы толығырақ айтуды өтінді.
«Қаланы көгалдандыру жоспарына сәйкес, Алматының Алатау ауданында 154 мың ағаш отырғызу жоспарлануда. Оның 52 мыңы отырғызылды, оның ішінде 48 мың ағаш күзгі екпелер. Жыл соңына дейін қалған 102 мың ағаш отырғызу жоспарлануда», - деді аудан басшысы.
Алатау ауданының жасыл желектер қорында барлығы 428 мың ағаш бар, оның ішінде 11 430-ы (2,7 %) апатты деп танылды. Өткен жылы есептеп-түгендеу қорытындысы бойынша саладағы қызмет көрсетушілер 460 апатты ағашты анықтап, кесіп тастады. Ағымдағы жылы 2 225 ағашты кесу жоспарлануда, 2024-2026 жылдары - 9 205. Оның орнына тиісінше 145 мың ағаш отырғызылады.
Қаладағы жаңа отырғызылған көшеттерді тиімді суару үшін ауданда тамшылатып суару әдісі қолданылады.
«Егер қалада 28-ге жуық су ұңғымасы болса, оның 25-і Алатау ауданында. Егер олардың 8-і үлкен жолдар мен көгалдарды суаруға арналған, 17 ұңғыма ағаштар отырғызылған жерде орналасқан. Айта кету керек, көшеттерді тамшылатып суару әдісі алғаш рет Алатау ауданында қолданылды, бұд әдіс қазір қалада барлық жерде енгізілуде», - деп аяқтады сөзін А.Қалдыбеков.