«Зерделі» шағын ауданында дене шынықтыру-сауықтыру кешенінің құрылысы жүргізілуде.
Бұл туралы Алматы әкімі Ерболат Досаев халықпен кездесуде мәлімдеді, деп хабарлайды Almaty-akshamy.kz. Оны осы жылдың қыркүйек айының соңына дейін аяқтау жоспарлануда.
Сонымен қатар, «Саялы» және «Қарасу» шағын аудандарында жоспарлы қуаты бір ауысымда 200 адам қабылдайтын 2 дәрігерлік амбулатория салынуда. «Қарасу» шағын ауданындағы дәрігерлік амбулаторияны аяқтау мерзімі қазан айына және «Саялы» шағын ауданындағы дәрігерлік амбулатория осы жылдың соңына қарай жоспарланған.