Алматыда «Медеу» биік тау мұз айдынында 19 жылдық үзілістен кейін «Азия дауысы» халықаралық заманауи музыка фестивалі қайта өтуде
Дрон шоуымен аяқталған бірінші күн қызыл кілемнен басталды, деп хабарлайды Almaty-akshamy.kz.
Ашылу салтанатына ҚР Мәдениет және спорт министрі Асхат Оралов қатысып, «Азия дауысы» бұдан былай жыл сайынғы фестивальге айналып, келесі жылдан бастап дәстүрлі түрде – халықаралық ән байқауымен өтетінін айтты.
«Түркі елдерінің мәдениет министрлері қазірдің өзінде маған телефон соғып, «Азия дауысы» халықаралық орындаушылар байқауы келесі жылы қашан өтетінін сұрап жатыр. Оған өздерінің үздік әртістерін жібергісі келеді. Біз байқауға қолдау көрсетеміз, өйткені бұл тек музыкалық емес, сонымен қатар туристік қадам. Алматының және біздің бүкіл өңіріміздің туризмін дамытатын әлеуеті бар»,-деді министр.
Алматыда айлап аптап ыстық болғанына қарамастан, «Азия дауысы» дәстүр бойынша жаңбырмен басталды! Әйтсе де, тез аяқталып, әсем Медеу кешенінде әртістердің өнер көрсетуі әсем климатта өтті. Фестивальде бірінші болып «Жас қанат 2023» жас орындаушылар байқауының жеңімпаздары өнер көрсетті. Аренадағы буын сабақтастығы керемет, Байғали Серкебаевтың «Джулия» мюзиклінен үзіндінің тұсаукесері кезінде «А-studio» тобының әндері шырқалып, көрермен әлемдік хиттерді еске алды. Сондай-ақ «Азия дауысы» фестивалінің қандай болғанын білмейтін жас көрермендер үшін арнайы жасалған блок болды.
Көрермендер сонымен қатар белгілі режиссер, сценарист және продюсер Фархад Шәріпов түсіріп жатқан «Махаббат солдаты» фильм-мюзиклінің түсіріліміне қатысу мүмкіндігіне ие болды. Олар сахнада қосымша рөлдерді сомдады. Финалда жұлдыз жанкүйерлерге толы үлкен аренаға кіреді. Көрермендер рахаттана ойнады, шамдарды жарқыратып, фильмге қажеттінің барлығын жасады. Осылайша қайта жаңғырған «Азия дауысы» фестивалінің алғашқы күні тарихта ғана емес, кинода да қалды.
Түн ортасына дейін көрермендер ZAQ, Ерке Есмахан, RaiM, Мирас Жүгінісов, V $ XVPRiNCE, Орынхан, Молданазар және Ирина Қайратовнамен бірге ән айтып, би биледі.
Бірақ шоудан басқа, көрермендердің стадиондағы шаруасы аз болмады. Фестиваль демеушілері, оның ішінде бас серіктес және тең ұйымдастырушы Halyk Bank көптеген сыйлықтары бар іс-шаралар өткізді. Медеу аренасында көптеген фотоаймақтар құрылды.
Ал бүгін «Азия Дауысы» сахнасында атақты BLACK EYED PEAS тобы өнер көрсетеді! Ертең, фестивальдің соңғы күнінде біз аңыздарды еске аламыз. Secret Service пен ЯЛЛА тобы, қазақстандық эстрада жұлдыздарының шоуы, сондай-ақ керемет отшашу болады.
Фестиваль демеушілік пен ақпараттық қолдаудың арқасында мүмкін болғанын еске саламыз! «Азия дауысы - 2023» фестивалінің бас серіктесі және тең ұйымдастырушысы – Halyk Bank. Оның сыйлықтары күн сайын Медеудегі іс-шаралар кезінде ойнатылады және оған барлығы қатыса алады!
30 шілдеде өтетін концертке билет сатып алғандар фестивальдің тағы бір демеушісі - Allur Auto ұсынған Chevrolet Onix автокөлігін ұтып алу мүмкіндігіне ие болды.
Ресми телеарна: Silk Way
Ресми газеттер: «Almaty aqshamy» мен «Вечерний Алматы»
Ақпараттық қолдау: «1 канал «Евразия», «НТК», MUZZONE TV, Business FM, RadioCitу, «Деловой Казахстан», «Қала мен дала», «Новое поколение», «Московский комсомолец», Forbes.kz, Zakon.kz, Caravan.kz, Kursiv.media, Nege.kz, Arbat.media, Informburo.kz, Baigenews.kz, Zhatpa.kz, Weproject.media, DALA INSIDE телеграмы, Түркітілдес журналистер қоры мен «Қазақстандық пресс-клуб».