Мец қаласында үстел теннисінен жасөспірімдер арасындағы WTT Youth Contender турнирі мәресіне жетті
15 жасқа дейінгі спортшылар арасында қазақстандық Алан Құрманғалиев жеңіске жетті, деп хабарлайды Almaty-akshamy.kz Olympic.kz-ке сілтеме жасап.
Алан турнир барысында украиналық Антон Дерлюкті, румыниялық Рарес Куэсдинді, Доминикан Республикасының өкілі Рафаэль Кабреруді, кореялық Ли Чонмоканы, польшалық Рафаль Формеланы, франциялық Натан Ламды және оның отандасы Флавиен Котонды ұтып, бірінші орын иеленді. Ол қарсыластарының бәрін 3:1 және 3:0 есебімен ұтқан.
19 жасқа дейінгі спотшылар санатында Санжар Жұбанов өз тобынан шығып, 1/32 финалға өтті.
Ал Тимофей Герасименко екі ойында да ұтылып, топтағы соңғы орынға тұрақтады.