Қазақстанның Премьер-министрі Олжас Бектеновтың Жетісу облысына жасаған сапары барысында танымал туристік аймақ Алакөл көлінің жанындағы Үшарал әуежайын кеңейту жоспары туралы айтылды, деп хабарлайды aqshamnews.kz.
«Бұл нысан туризмді дамытуда ерекше маңызға ие, себебі турпотоктың артуын ескере отырып, Астана, Алматы және Талдықорғаннан келетін рейстерді қабылдайды. Биылғы жылы әуе рейстерін субсидиялауға 653 миллион теңге бөлінді. Бұл шамамен 20 мың билетті 8000 – 18 000 теңге аралығындағы бағада сатуға мүмкіндік берді», – деп атап өтті Үкіметтің баспасөз қызметі.
Сонымен қатар, әуежайда қосымша терминал салу жоспарлануда, ол қазіргі терминалдағы 50 жолаушыдан бөлек, сағатына 75 жолаушыны қабылдай алады.
«Өткен жылы бұл өңірге екі миллион турист келді, 3,5 миллиард теңге жеке инвестиция тартылып, 17 жаңа туристік нысан пайдалануға берілді», – деп мәлімдеді Үкімет.