«Көкжиек» ықшамауданында мүмкіндігі шектеулі жандар Жолдауды талқылады
Алматыда ел Президентінің Жолдауын талқылауға арналған түсіндіру жұмыстары жалғасып жатыр.
Жалпы, сындарлы қоғамдық диалог – Қазақстанның тұрақтылығы мен өркендеуінің негізі. Сондықтан еліміздің болашағын айқындайтын құжатты талқылау барлығымыз үшін маңызды. Жетісу ауданы, «Көкжиек» ықшамауданында орналасқан №21 қалалық емханада мүмкіндігі шектеулі адамдармен Жолдауды талқылау өтті. Кездесу барысында Мемлекет басшысының кең ауқымды мәселелер бойынша нақты тапсырмалар бергені туралы жан-жақты айтылды. Әсіресе, халықтың тұрмыс жағдайы, денсаулық сақтау және халыққа әлеуметтік көмек көрсетудің түрлері туралы тереңірек ақпараттар қамтылды. Сөз сөйлегендер Мемлекет басшысының Жолдауы еліміздің дамуы үшін айқын бағыт, басты бағдар болатынын атап өтті.
– Біздің еліміз қазір қайтадан құрылуда. Біз басқа деңгейге жетуге талпыныс үстіндеміз. Елімізде референдум өтті. Көптеген өзгерістер болып жатыр. Бұрын депутаттар халықпен кездесуге жылына бір рет келетін еді. Шыны керек, халық тіпті көптеген депутаттарды көрмеді. Дегенмен, қазір бәрі өзгеріп жатыр. Біз сіздердің қойып жатқан барлық сауалдарыңызды тиісті орындарға жеткіземіз, – деді Жетісу ауданы Amanat партиясы филиалы төрағасының орынбасары Ерлан Давов.
Кездесу барысында көптеген сұрақтар қойылып, жан-жақты әңгіме өріс алды.