Семсерлесуден ұлттық құраманың спортшысы Айгерім Сарыбай Олимпиада жолдамасын жеңіп алды.
Ол Біріккен Араб Әмірлігінің Фуджейра қаласында өтіп жатқан лицензиялық жарыстың финалында Гонконгтың өкілі Ку Винг Чудан 15:13 есебімен басым түсті.
Осының алдында Айгерім Сарыбай қылыш жаттығуы бойынша жартылай финалда аустралиялық Вероника Василеваны 15:12 есебімен жеңген еді. Ал ерлер бәсекесінде Ғалым Нұрымов Сингапур өкілі Самуэль Робсоннан 13:15 есебімен жеңілді.
Фуджейрадағы жарыста тек жеңімпаз ғана Олимпиадаға барады.