Энергетика саласындағы басты мәселелердің бірі – Қазақстанның болашақта энергетикалық тәуелсіздігін қамтамасыз ету. Осы тұрғыда атом электр станциясын (АЭС) салу еліміздің тұрақты дамуы мен экологиялық қауіпсіздігіне жасалған маңызды қадам.
АЭС – көптеген елдер үшін болашақ энергиясының сенімді көзі болып табылады. Оның тиімділігі мен экологиялық таза болуы Қазақстанның энергетикалық саясатының маңызды бөлігі болуы тиіс. Бүгінгі таңда елдің экономикасы мен өнеркәсібі жаңа қуат көздеріне мұқтаж. Атом энергетикасы бұл сұранысты толығымен қанағаттандырып, экологиялық таза әрі тұрақты энергия көзін ұсына алады.
"АЭС салу – Қазақстанның дамуына серпін беретін, экологиялық таза энергия көзіне жол ашатын стратегиялық шешім. Бұл қадам біздің энергетикалық қауіпсіздігімізді күшейтіп қана қоймай, жаңа технологиялар мен ғылымды дамытуға мүмкіндік береді. Елімізге мұндай маңызды шешім қабылдауға уақыт келді", – деп атап өтті депутат Айдос Сарым.
Атом энергетикасы – болашақтың энергиясы. Бұл салада ең заманауи технологияларды пайдалану арқылы біз өзіміздің экологиялық міндеттерімізді де орындай аламыз. Қазақстанның алдағы уақытта АЭС арқылы энергетикалық қауіпсіздігін нығайтып, тұрақты дамуды қамтамасыз ететініне сенімдімін.