Халықаралық сарапшы Айдар Таинов, бірнеше жыл бойы АЭХА-да (Атом энергетикасы жөніндегі халықаралық агенттігі) жұмыс істеп, әлемнің түрлі елдеріндегі атом энергетикасы жобаларына қатысқан. Ол Қазақстанның АЭС салу туралы шешімі – еліміздің дамуына үлкен мүмкіндік деп санайды.
"Қазіргі таңда әлемнің 30-дан астам мемлекеті АЭС-ті пайдаланып отыр, ал АЭС салуға ниетті тағы 30-ға жуық үміткер мемлекет бар. Қазақстан солардың алдыңғы қатарында", – дейді ол.
Сарапшының пікірінше, атом энергетикасы – экологиялық тұрғыдан таза әрі тұрақты энергия көзі, ал еліміздің осы салаға бет бұруы – болашаққа салынған маңызды қадам.