Алматы қаласы Ақсақалдар кеңесінің төрағасы Болат Мұсағажыұлы Оспанов бүгін №245 сайлау учаскесіне келіп, дауыс берді, – деп хабарлайды aqshamnews.kz тілшісі.
Аға буын өкілдері үшін сайлауға қатысу – азаматтық ұстаным білдіріп, ел болашағына үлес қосудың маңызды мүмкіндігі. Алматы қаласының Ақсақалдар кеңесін басқаратын Болат Оспанов сайлауға қатысу арқылы азаматтардың елдің қоғамдық-саяси өміріне белсенді араласуының маңызын өз үлгісімен көрсетті.
Сайлау учаскесінде дауыс беру қалыпты әрі ұйымдасқан жағдайда өтіп жатыр. Тұрғындар ел мен қаланың одан әрі дамуына бей-жай қарамайтынын танытып, таңдау жасау үшін учаскеге келуде.
Аға буын өкілдерінің осындай маңызды науқанға қатысуының мәні айрықша. Мол өмірлік тәжірибесі бар ақсақалдар қашанда ел бірлігін, ұрпақ сабақтастығын және Қазақстанның өсіп-өркендеуін басты құндылық санайды.