Қазіргі таңда еліміздің алдында тұрған басты мәселелердің бірі – энергетикалық қауіпсіздікті қамтамасыз ету. Әлемде энергия көздеріне деген сұраныс артып келеді, ал Қазақстанның энергетика жүйесі заман талабына сай жаңартуды қажет етеді. Осы тұрғыда атом электр станциясын (АЭС) салу – еліміздің болашағына жасалған маңызды қадам.
АЭС салу – қоршаған ортаны қорғаудың, экономикалық тұрақтылықты арттырудың және болашақ ұрпақтың әл-ауқатын қамтамасыз етудің тиімді жолы. Атом энергетикасы таза, сенімді және тиімді энергия көзі болып табылады. Озық технологияларды пайдалану арқылы АЭС-тің қауіпсіздігі де жоғары деңгейде қамтамасыз етіледі.
"Қазақстанның энергетикалық тәуелсіздігі үшін атом энергетикасы маңызды. АЭС салу – бізге жаңа мүмкіндіктер ашып, алдағы онжылдықтарда тұрақты дамудың кепілі болмақ. Елімізде осыған қажетті барлық алғышарттар бар – уран қоры мол, ғылым мен технология жетілген, кадрлар дайындауға да дайынбыз", – деп атап өтті Жанарбек Әшімжан.
Болашақта АЭС арқылы Қазақстан энергетикалық қажеттіліктерін толықтай қамтамасыз етіп, экологиялық таза технологияларды енгізе отырып, тұрақты дамуға қадам басады деп сенемін.