Қазақстанның электрондық үкіметінің баспасөз қызметі онлайн түрде мемлекеттік нөмір сатып алу кезінде "қатып қалған" өтінімдер мәселесін қалай шешуге болатынын түсіндірді, деп хабарлайды, Aqshamnews.kz тілшісі.
eGov қосымшасында мемлекеттік нөмірді онлайн алу қызметі іске қосылған болатын, алайда пайдаланушылар бірқатар қиындықтарға тап болды. Қосымшада қызмет ақысын төлегеннен кейін нөмір иесіне бекітілмей, әлі де қолжетімді болып қала берген.
Бұл мәселені шешу үшін өтінімді қайта беру қажет. Үшінші кезеңде "Бұрын төленген" тармағын таңдап, төлем жасалған банк пен төлем күнін көрсету керек. Процесті аяқтағаннан кейін нөмір пайдаланушыға бекітіліп, басқа өтініш берушілер үшін қолжетімсіз болады.
Айта кетейік, мемлекеттік нөмірді онлайн алу қызметі eGov қосымшасында және электрондық үкімет сайтында арнайы ХҚКО-ларда қызу сұраныс пен тірі кезектерді болдырмау мақсатында енгізілді. Мысалы, 5 қаңтарда Қазақстанның арнайы ХҚКО-ларында автокөліктің мемлекеттік тіркеу нөмірін таңдау бойынша жаңа қызметтің енгізілуіне байланысты сұраныс күрт артты.
Бұған дейін Әкімшілік полиция комитетінде 2026 жылғы 1 қаңтардан бастап кез келген цифрлар мен әріптердің комбинациясын таңдауға мүмкіндік берілетінін хабарлаған болатын. Мысалы: 123AZA01, 321ERA02, 069ARA03 және тағы басқа. Бұл қызметтің құны 10 АЕК болады, яғни 43 250 теңге.
