Қазіргі уақытта пойыз тоқтайтын платформаны жөндеу жұмыстары жүріп жатыр.
9 қарашадан бастап Қонаев қаласынан Алматыға дейін электр пойызы қайта қатынай бастайды. Бұл туралы Қонаев әкімі Нұрлан Құматаев мәлім етті, деп хабарлайды Almaty-akshamy.kz ҚазАқпаратқа сілтеме жасап.
Әкімнің айтуынша, қазіргі уақытта пойыз тоқтайтын платформаны жөндеу, абаттандыру жұмыстары аяқталып жатыр.
«9 қарашадан бастап электричкалар Алматыға жүре бастайды. Соған дайындық жұмыстары 2-3 күн болды жүріп жатыр. Қазір барлық жұмыскерлер қызмет істеуде», - деді Нұрлан Құматаев.
Еске салайық, 19 қазанда Алматы облысына жұмыс сапарымен барған Мемлекет басшысы Алматы мен Қонаев қалаларының арасындағы электр пойызын қайта іске қосуды тапсырған болатын.