Қаңтар оқиғасы кезінде тәртіпсіздікке қатысқандар Алматыда және басқа да ірі қалаларда қылмысты жасыру үшін 800-ден астам бейнекамераны қиратты.
Бұл туралы Парламент Мәжілісінің жалпы отырысында ҚР Бас прокуроры Берік Асылов мәлім етті, деп хабарлайды Almaty-akshamy.kz Almaty.tv-ға сілтеме жасап.
«Алматыда және басқа да ірі қалаларда қылмысты жасыру үшін 800-ден астам бейнекамераны қиратқан. Басып алынған қаруды, азық-түлікті және ауыз суды, жеткізу ұйымдастырылған. Такси, жүк көліктері мен автобустардың жүргізушілерін көшені жауып тастауға мәжбүрледі. Сонымен қатар бейбіт азаматтарды «тірі қалқан» ретінде пайдаланған», - деді Берік Асылов.