6 наурызда Қазақстан аумағына солтүстік-батыстан келген циклон әсер етіп, елдің басым бөлігінде жаңбыр мен қар түрінде жауын-шашын күтіледі, деп хабарлайды Aqshamnews.kz тілшісі.
«Қазгидромет» мәліметінше, циклонмен байланысты атмосфералық фронттар республика аумағына жауын-шашын әкеледі. Әсіресе, елдің оңтүстік-шығыс өңірлерінде жаңбыр мен қар мол түсуі мүмкін. Сонымен қатар республика бойынша жел күшейіп, солтүстік және шығыс аймақтарда жаяу бұрқасын, тұман және көктайғақ болуы ықтимал.
Астанада құбылмалы бұлтты ауа райы сақталып, қар жауады. Желдің жылдамдығы 9-14 м/с. Ауа температурасы түнде -6…-8°C, күндіз -1…-3°C болады.
Алматыда жаңбыр аралас қар жауады. Жел 3-8 м/с, кей жерлерде екпіні 15 м/с-қа дейін жетеді. Түнде ауа температурасы -1…+1°C, күндіз +3…+5°C шамасында болады.
Шымкентте жауын-шашын күтілмейді. Жел 5-10 м/с. Ауа температурасы түнде +1…+3°C, күндіз +9…+11°C.
Ақтауда да жауын-шашын болмайды. Жел 7-12 м/с. Түнде +2…+4°C, күндіз +10…+12°C болады.
Ақтөбеде қар жауады. Жел 5-10 м/с, кей жерлерде екпіні 15-18 м/с-қа дейін күшейеді. Ауа температурасы түнде -3…-5°C, күндіз 0…+2°C.
Атырауда жаңбыр аралас қар жауады. Желдің жылдамдығы 9-14 м/с. Түнде 0…+2°C, күндіз +5…+7°C.
Жезқазғанда жауын-шашынсыз. Жел 7-12 м/с. Түнде -2…-4°C, күндіз 0…+2°C.
Қарағандыда қар жауады. Жел 9-14 м/с. Түнде -3…-5°C, күндіз 0…-2°C.
Көкшетауда жауын-шашын күтілмейді. Жел 5-10 м/с. Түнде -8…-10°C, күндіз -3…-5°C.
Қонаевта жаңбыр аралас қар жауады. Жел 9-14 м/с, екпіні 17-22 м/с-қа дейін жетеді. Түнде 0…-2°C, күндіз +3…+5°C.
Қостанайда қар жауады. Жел 9-14 м/с. Түнде -17…-19°C, күндіз -3…-5°C.
Қызылордада жауын-шашын болмайды. Жел 5-10 м/с. Түнде 0…-2°C, күндіз +7…+9°C.
Павлодарда жауын-шашынсыз. Жел 9-14 м/с. Түнде -4…-6°C, күндіз 0…-2°C
Петропавлда да жауын-шашын күтілмейді. Жел 9-14 м/с. Түнде -17…-19°C, күндіз -7…-9°C.
Семейде қар жауады. Жел 5-10 м/с. Түнде -5…-7°C, күндіз -1…+1°C.
Талдықорғанда жаңбыр аралас қар жауады. Жел 6-11 м/с. Түнде -1…-3°C, күндіз +2…+4°C.
Таразда жауын-шашынсыз. Жел 9-14 м/с. Түнде 0…+2°C, күндіз +6…+8°C.
Түркістанда да жауын-шашын болмайды. Жел 8-13 м/с. Түнде 0…+2°C, күндіз +8…+10°C.
Оралда бұлтты ауа райы сақталып, жауын-шашын күтілмейді. Жел 9-14 м/с. Түнде 0…-2°C, күндіз 0…+2°C.
Өскеменде қар жауады. Жел 5-10 м/с. Түнде -3…-5°C, күндіз -1…+1°C.
