13°C-қа дейін жылы, жауын-шашын және тұман.
Синоптиктер сейсенбі күні, 6 ақпанда елордада және еліміздің екі ірі мегаполисінде ауа райы қандай болатынын айтты, деп хабарлайды Almaty-akshamy.kz
"Қазгидромет" РМК мәліметі бойынша, республика аумағының басым бөлігіне солтүстік-батыс циклонының науқаны мен онымен байланысты атмосфералық фронттардың ықпалы жалғасады - жаңбыр мен қар түріндегі жауын-шашын болады.
"Қазақстанда тұман, көктайғақ болады. Жел күшейіп, бұрқасын соғады", - делінген хабарламада.
Сонымен қатар синоптиктер елорда мен республиканың екі ірі мегаполисіндегі ертеңгі ауа райы туралы:
Астанада көшпелі бұлт шығады, кей жерлерде қар жауады. Оңтүстіктен соғатын желдің күші 9-14, түнде және таңертең 15-20 м/с болады. Ауа температурасы түнде және күндіз -3-5°С;
Алматыда көшпелі бұлт шығады, жауын-шашынсыз. Жел екпіні - 0-5 м/с. Ауа температурасы түнде -5-7°C, күндіз +2+4°C;
Шымкентте көшпелі бұлт шығады, күндіз жаңбыр жауады. Оңтүстік, оңтүстік-батыстан соғатын желдің екпіні - 8-13 м/с. Ауа температурасы түнде -1+1°C, күндіз +11+13°C.