Құпия құжаттар қолжетімді бола түсті.
Саяси қуғын-сүргін құрбандарын толық ақтау жөніндегі мемлекеттік комиссия жұмысын жалғастырады, деп хабарлайды Almaty-akshamy.kz.
Бұл туралы алаштанушы Дихан Қамзабекұлы айтты. Мемлекеттік комиссияның сапалы жұмысы нәтижесінде 2,6 миллионнан астам құжаттан құпия деген белгі алынып тасталды. Зерттеу жұмысына 400-ден астам ғалым қатысқан. 7 мыңға жуық құжат президент архивіне тапсырылды.
«Қуғын-сүргін құрбандарын толық ақтау комиссиясының қазіргі жинағы 72 жинақ болып шықты. Қазақстанның өңірлерінің бәрін есептегенде 400 ден астам ғалым жұмыс жасады. Мен соның методолог-әдіснамалық бағытында қызмет атқардым. Комиссияның жұмыс офисі деген болды. Жұмыс офисін Сабыр Қасымов деген белгілі заңгер, қоғам қайраткері, экс-сенатор басқарды», - дейді Қуғын-сүргін құрбандарын толық ақтау жөніндегі мемлекеттік комиссиясының мүшесі Дихан Қамзабекұлы