Бүгін – қазақ футболының «туған күні».
2003 жылы ҚФФ Атқару комитеті қазақ футболының 90 жылдық мерейтойын атап өту үшін 25 сәуірді аяқдобымыздың туған күні етіп бекіткен. 2002 жылғы 25 сәуірде Қазақстан ресми түрде УЕФА құрамына қабылданған болатын. Содан бері қазақ жерінде 25 сәуір «футболымыздың туған күні» болып есептеледі. Негізі, қазақ жерінде футбол өнерінің ресми түрде бастау алған нақты уақыты 1913 жыл болып саналады.
Бүгінде отандық аяқ допшылардың аяқ алысы жаман емес. Ел намысын әлемдік деңгейдегі матчтарда абыроймен көтеріп жүр. Күллі әлем көз тігетін футбол ойынына қызығатындар қатары елімізде де көбейіп келеді.
Бастысы, қазақ футболының болашағына деген сенім де нығайып келеді.
Естеріңізге сала кетейік, қазір Футболдан Премьер-лига командалары арасындағы ел біріншілігі турлары өтуде. Өткен демалыс күні алматылық "Қайрат" командасы өз алаңында Шымкенттің "Ордабасы"-мен кездесті. Тартысты ойынды тамашалау үшін Алматы стадионына 10 мыңнан астам жиналды. Осыған қарап, отандық аяқдопшыларды қолдайтын футбол жанкүйерлерінің қатары да қалыңдап келе жатқанын білуге болады.
"Қайраттың" келесі ойыны Қостанайдың "Тобылымен" 6 мамырда Қостанайда өтеді. Отандық спортты қолдап, матчтардан қалмауға тырысайық!