Қазақстанның алты аймағында дауылды ескерту жарияланды
22 тамыз күні түнде Шығыс Қазақстан облысының солтүстік-шығысында, шығысында жер бетінде 2 градусқа дейін үсік жүреді, деп хабарлайды Almaty-akshamy.kz Қазгидрометке сілтеме жасап.
Қызылорда облысының орталығында, шығысында солтүстік-шығыстан жел соғады, таңертең және күндіз күші 15-20 м/с дейін жетеді. Облыстың басым бөлігінде төтенше өрт қаупі сақталады.
22 тамызда күндіз Маңғыстау облысының батысында, оңтүстігінде шаңды дауыл соғуы мүмкін. Шығыстан, оңтүстік-шығыстан күтілетін желдің екпіні - 15-20 м/с.
Осы күні Түркістан облысының солтүстігінде, батысында, таулы және тау бөктерлі аудандарында солтүстік-шығыстан жел соғады, күші - 15-20, екпіні - 25 м/с. Облыстың оңтүстігінде, шығысында төтенше өрт қауіпі сақталады.
Батыс Қазақстан облысының батысында шығыстан, солтүстік-шығыстан жел соғады екпіні - 15-20 м/с.
22 тамызда Қостанай облысының солтүстік-шығысында найзағай ойнайды. Түнде және таңертең облыстың солтүстігінде тұман түседі. Солтүстіктен, солтүстік-шығыстан жел соғады, күші облыстың оңтүстігінде, шығысында - 15-20 м/с.