Қазақстанда 2026 жылға арналған АЕК мөлшері бекітілді. Енді бір айлық есептік көрсеткіш 4 325 теңге болады, - деп хабарлайды aqshamnews.kz.
2026 жылғы 1 қаңтардан бастап Қазақстанда айлық есептік көрсеткіш (АЕК) мөлшері өзгереді. Парламент 2026–2028 жылдарға арналған республикалық бюджетті мақұлдады.
2026 жылға арналған негізгі көрсеткіштер:
-
АЕК - 4 325 теңге (2025 жылы - 3 932 теңге)
-
Ең төменгі жалақы - 85 000 теңге (өзгеріс жоқ)
-
Ең төменгі зейнетақы - 69 049 теңге (2025 жылы - 62 771 теңге)
-
Базалық зейнетақы төлемі - 35 596 теңге (2025 жылы - 32 360 теңге)
-
Күнкөріс минимумы - 50 851 теңге (2025 жылы - 46 228 теңге)
Сондай-ақ, 2026 жылғы 1 қаңтардан бастап жасына байланысты және еңбек сіңірген жылдары үшін төленетін зейнетақы 10%-ға өседі. Бұдан бөлек, мемлекет міндетті әлеуметтік медициналық сақтандыру үшін Әлеуметтік медициналық сақтандыру қорына 2% аударатын болады.