Жоба «Алматы» әлеуметтік кәсіпкерлік корпорациясы арқылы жүзеге асады.
Бағдарлама игілігін шағын өндірістік парк құруға не сондағы белгілі бір аумақты сатып алуға ниеттілер көре алады. Болжам бойынша кәсіпкерге 7 жылға 500 млн теңге көлемінде несие беріледі, деп хабарлайды Almaty-akshamy.kz 24.kz-ке сілтеме жасап.
Сыйақы мөлшерлемесі 70 млн теңгеге дейінгі қарыз үшін жылдық 2 пайызбен, 70 млн теңгеден асса жылдық 6 пайызбен беріледі. Шағын өндірістік парктен алынатын нысан кепілдікке қойылады. Бұл өнім осылайша кәсіпкерлікті қорғау бағдарламасы бойынша банктерге ұсынылады. Алматыда қазір 8 өндірістік парк бар, тағы 11-і салынып жатыр. 2030 жылға қарай оның саны 100-ге жетеді.