Жастардың дамуы мен өзін-өзі жетілдіруі үшін тең мүмкіндіктер жасалмақ.
Бұл туралы қала әкімі Ерболат Досаев Мәслихат сессиясында Алматының қаласының 2023-2025 жылдарға арналған бюджет жобасын қарау барысында айтты, деп хабарлайды Almaty-akshamy.kz.
Жастарды қолдау саласында Даму бағдарламасының басым міндеті жастарды жұмысқа орналастыру мен әлеуметтендіруге бағытталған жобалар мен бастамаларды іске асыру арқылы NEET үлесін 2022 жылғы 6,1%-тен 2025 жылы 4,5%-ке дейін азайту болып табылады.
Келесі жылы жұмысқа орналастыру (жылына кемінде 10 мың жас азамат) және еңбек нарығында сұранысқа ие кәсіптер бойынша қысқа мерзімді оқыту (жылына кемінде 10 мың) жобаларын іске асыру жоспарлануда. Осы шараларға 2023 жылғы бюджетке 800 млн. теңге салынды.
Сондай-ақ 2023 жылы 8 заманауи комьюнити-орталық (2025 жылға дейін қосымша 8) құру жоспарлануда. Бұл қоғамдық кеңістіктер жастарға арналған қызметтерді (жұмысқа орналасу, кәсіпкерлік, психологиялық және заң көмегі және т.б. бойынша консультациялар) бір жерде біріктіріп, жастарды әлеуметтендіру және қоғам өміріне тарту орнына айналуы тиіс. Аталған шараларды іске асыруға 2023 жылдың бюджетіне 1,4 млрд. теңге салынды.