Қазақстанда 6,6 млн жұмыс істейтін азамат міндетті әлеуметтік сақтандыру жүйесіне қатысады
Елімізде 2023 жылдан бастап мүгедектік және асыраушысынан айырылу бойынша әлеуметтік төлемдер өседі, деп хабарлады Almaty-akshamy.kz Премьер-министрдің ақпараттық ресурсына сілтеме жасап.
2023 жылғы 1 қаңтарға дейін Мемлекеттік әлеуметтік сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтік төлемдердің мөлшерін 2023 жылғы 1 қаңтардан бастап 8,5 пайызға арттыру жүргізілсін, – деп жазылған қаулыда.
Осы қаулы 2023 жылғы 1 қаңтардан бастап қолданысқа енгізіледі.
Айта кетейік, Қазақстанда 6,6 млн жұмыс істейтін азамат міндетті әлеуметтік сақтандыру жүйесіне қатысады. Мемлекеттік қордан төленетін әлеуметтік төлемдерді жылына 1,1 млн азамат алады.