«Қазгидромет» РМК 2024 жылғы 19 желтоқсанға арналған Қазақстан аумағындағы синоптикалық жағдай мен қауіпті ауа райы құбылыстарының болжамын жариялады, деп хабарлайды aqshamnews.kz.
Республика аумағының басым бөлігі циклонның және онымен байланысты атмосфералық фронттардың ықпалында болады, қар мен бұрқасын күтіледі, оңтүстік-батыс пен оңтүстікте жаңбыр мен қар түріндегі жауын-шашын, республика орталығында қалың қар жауады.
Республиканың оңтүстік-шығысында және шығысында пайда болатын антициклонның екпіні жауын-шашынсыз ауа райын тудырады.
Республика бойынша көктайғақ, жел күшейеді, оңтүстікте, солтүстікте және орталықта тұман түседі.
Жетісу облысының Алакөл өңірінде оңтүстік-шығыстан соғатын желдің екпіні 23-28 м/с, кей жерлерде 30 м/с және одан да жоғары болады.