Оқушылардың тегін тамақтануына 20,4 млрд теңге бөлінеді
Алматыда бастауыш сынып балаларын тегін тамақпен қамтамасыз ету жалғастырылады. Әкім Ерболат Досаевтың айтуынша, 2022 жылы Алматы қаласы мегаполис мектептерінде бастауыш сынып оқушылары мен халықтың әлеуметтік осал топтарының балалары үшін ыстық тамақты ұйымдастыру қаншалықты маңызды екенін көрсетті, деп хабарлайды Almaty-akshamy.kz.
"Ағымдағы жылы осы мақсаттарға жергілікті бюджетте 20,4 млрд теңге сомасында қаражат көзделген, тегін тамақтануды болжамды қамту 133 мыңнан астам білім алушыны құрайды", - деді қала басшысы.
Сондай-ақ, оның айтуынша, биыл Алматы әкімдігі Қазақ тамақтану Академиясымен және Ұлттық салауатты тамақтану орталығымен бірлесіп "Оқушылардың денсаулығын басқару"мектеп тағамдарының жаңа моделін пилоттау жобасын әзірлеуде.