Патриот күні: 11 қыркүйектің қайғылы естелігі
Патриот күні (Patriot Day) – АҚШ-та жыл сайын 11 қыркүйекте аталып өтетін аза тұту күні. Бұл күн – 2001 жылғы қайғылы оқиғалардың, лаңкестік шабуылдарда қаза тапқан мыңдаған адамның естелігі.
11 қыркүйек оқиғасына биыл - 14 жыл.
Бұл күні «Әл-Каида» (Қазақстанда тыйым салынған) террористік ұйымы төрт жолаушы ұшағын басып алған еді.
Екі ұшақ Нью-Йорктегі Дүниежүзілік сауда орталығының «егіз мұнараларына» соғылып, ғимараттар опырылып түсті. Үшінші ұшақ Вашингтондағы Пентагонға құлады. Төртінші ұшақ Пенсильванияда жерге соғылды – онда жолаушылар лаңкестерге қарсы әрекет еткен.
Шабуылдар салдарынан шамамен 3000 адам қаза тапты. Құрбандардың арасында 90-нан астам елдің азаматтары болды.
Еске алу күні қалай пайда болды?
- 2001 жылғы 18 желтоқсанда АҚШ конгресі арнайы акт қабылдап, 11 қыркүйекті «Патриот күні» деп бекітті.
- 2009 жылдан бастап бұл күн «Қызмет пен еске алудың ұлттық күні» мәртебесін алды. Оның бастамашылары – сол күні туған-туыстарынан айырылған отбасылар.
Жыл сайын 11 қыркүйекте АҚШ-та таңғы 8:46-да (шығыс уақыты бойынша) бір минут үнсіздік жарияланады. Дәл осы уақытта Дүниежүзілік сауда орталығының солтүстік мұнарасына алғашқы ұшақ соғылған еді.