Қызылорда облысында бүгін республикалық референдумға 492 мыңнан астам адам дауыс беруге құқылы. Таңғы сағат 7:00-де өңірдегі барлық референдум учаскелері өз жұмысын бастады.
Сайлау учаскесіне алғашқылардың бірі болып келген 103 жастағы майдангер Яхия Тасыров өз таңдауын жасады.
Сырдария ауданында тұратын Екінші дүниежүзілік соғыс ардагері Яхия Тасыров референдум күні белсенділік танытып, өз учаскесінде дауыс берді. Қария бұл күннің маңыздылығын атап өтіп, комиссия мүшелеріне ақ батасын берді.
- Бірлік әрқашан маңызды. Ел үшін маңызды істерге үлес қосуымыз қажет. Сондықтан әрбір саяси науқанда өз таңдауымды жасаймын. Мемлекеттің дамуы келешегіміз үшін қажет. Ұрпақтарымыз аман болсын, - деді майдангер.