Бұл тәртіп шетелде жүрген қазақстандықтарға қатысты, деп хабарлайды aqshamnews.kz тілшісі.
Олардың санатына:
- шетелде оқитын студенттер;
- еңбек шартымен жұмыс істейтіндер;
- Қазақстаннан тыс жерде туған балалар және олардың отбасы мүшелері;
- қариялар мен мүмкіндігі шектеулі азаматтар;
- өзіне-өзі қызмет көрсете алмайтын жақындарына күтім жасайтындар;
- шетелде ұсталған, қамауда отырған немесе жазасын өтеп жатқан қазақстандықтар кіреді.
Төлқұжат қанша уақытта дайын болады?
Егер консулдық қызметкерлері арнайы цифрлық жүйеге қосылған болса, онда құжат 40 жұмыс күні ішінде рәсімделеді. Ал жүйеге қосылмаса, мерзім 90 күнге дейін созылады.
Балаларға қатысты да арнайы талап енгізілген. 14 жасқа толмаған, төлқұжатты алғаш рет алатын және жеке сәйкестендіру нөмірі жоқ балаға ЖСН алуға консулдыққа өтініш беріледі. Ішкі істер министрлігі оны екі жұмыс күні ішінде қарап, нақты шешім шығарады немесе бас тартады.