Бұл еліміздің бірнеше өңірінде сағат тілінің ауысуына байланысты.
eGov.kz порталының хабарлауынша, бірыңғай UTC +05.00 уақыт белдеуіне көшуге байланысты 29 ақпан күні сағат 22:00-ден 1 наурыз күнгі 02:00-ге дейін техникалық жұмыстар жүргізіледі, деп хабарлайды Almaty-akshamy.kz
Сол уақытта мына жобалар қолжетімсіз болуы мүмкін:
– eGov.kz порталы және оның құрамдас бөліктері;
– egov mobile қосымшасы;
– «Е-нотариат» бірыңғай нотариаттық ақпараттық жүйесі;
– «Техникалық бақылау» бірыңғай ақпараттық жүйесі;
– «e-Otinish» электрондық өтініштер қызметі;
– «Ұлттық ақпараттық технологиялар» АҚ жүргізетін басқа да ақпараттық жүйелер мен мемлекеттік дерекқорлар.
Сағат тілін ауыстыратын қалалар мен өңірлер:
Астана, Алматы, Шымкент қалалары, Абай, Ақмола, Алматы, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облысы.